ILAY VOLANA (raozigasy)
Mbola tsisy niantsa
(Nalaina tao amin'ny vetso.serasera.org)
ILAY VOLANA Ilay volana hitantsika,
tsinana sy fenomanana
Dia sinto-maso iray midika,
fa misy zavatra ikambanana
Ilay volana fijery,
rehefa lasana vinany
Dia mifono misitery,
mitondra lavitra any ho any
Ilay volana tomaratra,
ilay loloham-panazava
Dia tsidik’herinaratra,
mampisinda alo-tava
Ilay volana baliaka,
jeren’izao tontolo izao
No rohy mampisera antsika,
am-betsovetso toy izao
--------
Rohy:
Sokajy :
Aingam-panahy
Mpakafy:
Zozoro
