INona re no hatao ? (raozigasy)

Inona re no hatao ?
Fa ity filohako, filohanao
Tsy matotra amin’izay atao
Fa sain-jaza tia milalao

Inona re no hatao ?
Fa ilay fifidianako, fifidiananao
Toa tsy hay hatramin’izao
Rehefa ela angamba ho tsaho

Inona re no hatao ?
Fa ireo candidat-ko, candidat-nao
Toa maro sy bebelazao
Be resaka sy be bilao

Inona re no hatao ?
Fa ilay tanindrazako ahy sy anao
Maty tsentsefin'ny hao
Nitondra azy hatramin’izao

Inona re no hatao ?
Vaky ny saiko ry nao
raha mahita vahaolana ianao
zarao iaraha-manao
--------