Maninona anefa ialahy raha miala (raozigasy)

Maninona anefa ialahy raha miala
Fa aza eo no tena mody adala
Ajanony ilay resaka matavy
Sy ilay fampiesonana hoe conclave
Tsy pape ange ny fifidianana ho avy
F’izay hisolo an’ialahy , ilay hoe ho “favy “

Maninona anefa ialahy raha mandeha
Dia milamina ny vahoaka marobe
Dia ento any koa ingahy Didier
Sy ireo candidat hafa tsy mandeha
Dia aleo ny ambiny ho anay
Na tena mbola zavatra tsy hay

Maninona nefa ialahy raha mipitsika
Aleo mba handihy ireo hitsikitsika
Ho fararano amin’izay ny fifidianana
Fa efa dila ny tangena sy manganana
Dia mba ireo ahi-dratsy sisa ongotana
Satria efa lasa ilay mpitondra haromotana

Maninona anefa ialahy raha misintaka
Mba aoka leitsy izay ilay fitapitaka
Tsy aleo ve leisy miala moramora
Toa izay miandry daroka sy rora
Raha izao ialahy no miala tsy terena
Mbola azo atao hoe fitiavam-pirenena

Satria raha rahampitso izao ialahy no miala
Dia mbola afaka mibizna valala
Amin’izay ialahy tena heros
Fa deux fois ialahy nanao cadeau
Raha toa moa ialahy hiverina DJ
Dia miandry an’ialahy ny kil ao Paris
--------