MIOMBONA VAVAKA AMIKO (raozigasy)

MIOMBONA VAVAKA AMIKO

RAHA MBOLA MAHATSIARO IANAO FA MALAGASY TOA AHY
RAHA MBOLA MINO KOA IANAO FA ANDRIAMANITRA MITAHY
DIA MIOMBONA VAVAKA AMIKO

RAHA MBOLA MISY KORIAN-DRA MALAGASY ANATINAO
RAHA MBOLA I MADAGASIKARA NO TANINDRAZAKO SY IANAO
DIA MIOMBONA VAVAKA AMIKO

RAHA MBOLA TANY KOA IANAO NO NILATSAKA TAVONY
RAHA MBOLA ANY ILAY AMBIROA NO TIANAO HILEVINA HITONY
DIA MIOMBONA VAVAKA AMIKO

RAHA MBOLA ANY NY HAVANAO, NY NAMANA SY IREO SAKAIZA
RAHA MBOLA MAMY AMINAO ILAY FIRENENA IZAY NITAIZA
DIA MIOMBONA VAVAKA AMIKO

FA IREO VAVAKA MITAMBATRA
FA IREO VAVAKA ASANDRATRA
IARAHANTSIKA MIOMBO-PEO

FA ILAY VAVAKAO IZAY TSY TERENA
ATAONAO HO AN NY FIRENENA
FIARAHANTSIKA MITOREO

DIA EFA METY HAMPIHENA
ILAY HOTAKOTA-PIRENENA

KA NY HATAKO AMINAO
MIVAVAHA RE IZAO DIA IZAO
--------