NANGORINTSINA 2 - raozigasy

Azo vakiana?

NANGORINTSINA

Nangorintsina aho tanaty nofy, nahita anao niova sata
Nihoron-koditra indray, ny tanatiko toa mahatsapa
Fa raha misy fiovana , ny fihetsikao, ny vatanao
Dia haiko tsotra izao ianao, fa tsy hilaza vaovao ,

Nangorintsina aho, tanaty nofy , nahita anao kizitinjitina
Nihararetra ny tanatiko, nahita anao tsy ilay mifintina
Fa ianao niova bika, tsy ilay matavy ka masiaka
Fa ilay ianao mitondra aina,  ilay nofinofiko hoe  antsika

Nangorintsina aho , tanaty nofy , na dia mbola te hizara
Na ny anarana ho fidiana, na izay lokon-trano tsara
Na ny sakafo fandrarana, kanefa haiko ianao tsy tana
Na ny ketoketoka ho avy, na ny bedibedy fandrarana

Nanonofy aho hoe izany, no fiainana iainako anio
Ka ireny nofy adala ireny , no nahatonga io horin-koditro io
Na dia efa nanamboatra, eritreritra sy saina
Dia mbola misy ny takaitra, mankararirary ny aina

Iriko anefa izato nofiko,  na dia nofiratsy ho ahy
Dia iriko hotanteraka aminao, ho to tsy amin’ahiahy
Ka izay tsy vitako sy ianao, ireo tsy vitantsika novitaina,
Dia hotanterahinao any, ka ianareo no hanome aina

Mbola tso-drano hatrany hatrany, no atosako omeko
Ho anao, r’ilay tsy foiko, ny anjarako efa nekeko
Satria efa fantatro hatry ny ela, fa tsy navela hiara-dia
Ny tantarantsika roa, eny na dia nifankatia ....

Hevitra mandeha

evakely (31/08/2006 15:52:12)

Tsara be ilai tonokalo, tohizo fa tsara

Hametraka hevitra

Midira aloha

Mombamomba

Mpanoratra : raozigasy

Nampiditra : raozigasy
Daty : 24/07/2006
Mpamangy : 1299
Mankafy : 2

Tononkalo hafa

Orohy aho akia malala a
Tratry ny taona 2020 Ho
Gaigy be
01 Novambra 2019
Ry zalahy sy ny sasany
Natahotra
Peratra
Un jour mon fils tu vas m
Fan Zone
Ialahy