Nitriatra indray (raozigasy)

Nitriatra indray ilay foko, tata-bitrana iny,

Raha mando re ny masoko aza omenao tsiny

Fa sompatra nandalo, no namely azy

Fa tafahoatra hono ireto vazivazy



Nitresaka ny anatiko, ilay efa naharary

Aza tsiniana re, raha lany ny kabary

Ritra resadresaka sy maina laha-teny

Ka mangina irery, sy ankona manjeny



Nivava ny fitiavako, rava ilay tokim-poko

Nivadika ho latsa, ireo tsiky mba natoko

Tsy maintsy re zakaiko, ity fahontsam-piainako

Na kivy aho na resy, zakaiko ny tarainako
--------