Raha izaho no lany (raozigasy)

Mbola tsisy niantsa

Hangataka antsa
(Nalaina tao amin'ny vetso.serasera.org)
Toa tsy andriko sahady ilay volana jona
Olo-marobe, no indray henoina
Hilaza drafitr’asa, dinika sy vina
Hevi-baovao , nofy, faniriana

Raha izaho no lany, dia hidina ny solika
Ny lalana rehetra tsy hisy izay ho potika
Ho voky sy mandrezatra, ny valalabemandry
Tsy misy intsony ilay noana nefa mandry

Raha izaho no lany, dia ho foana ny herisetra
Handry am-pahalemana, ny olona rehetra
Ny vaki-trano sy halatra, ho tantara sisa
Fa ny fahafaha-mividy, ho avo salan’isa

Raha izaho no lany, miasa daholo ny olona
Izay no tena antony, nanaovana ny tolona
Ho tsara ny fitafy, hianjaika ny tontolo
Ny fiaran’ny rehetra, tsarabe daholo

Raha izaho no lany, hiova I gasikara
Ny mpitondra fanjakana, asaiko miasa tsara
Ireo karazan-kolikoly, fongoriko am-pakany
Ireo izay mafy loha, omeko koa ny dakany

Raha izaho no lany, jereko ny tanora
Ilay hatanorany, avadika ho akora
Ireo zoky politika, hisotro ny rononony
Aoka izay ny azy, tanora no ho solony

Tsy andriko sahady, ilay hoe Gasikara
Anaty dimy taona dia hiova ny tantara
Tanteraka ireo nofy, nofisina hatrizay
Hiova ny tantara, angamba mety hilay
--------
Rohy:
Sokajy : Politika - Aingam-panahy
878 0
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0303