REHEFA - raozigasy

Azo vakiana?

REHEFA

Rehefa tresaka ny foko
Ka ilaiko ny mitony
Rehefa tiako hazava irony loko
Nohamaizinin-donilony

Rehefa mila zahatra iny
Fa mila zakan’ny tafiotra
Iny aingam-panahiko iny
Fa lasa sy nipololotra

Rehefa feno bitaka aho
Ka te-hizara hatretrehina
Noho ireo zava-nifamaho
Na hoe to izay noketrehina

Rehefa izany rehetra izany
No tafaangona sy mihaona
Ka ny vetso, ny ainga, ny vinany
Miaraka toa vary an-daona

Dia raisiko ny peniko
Atobako ireo rarin-teniko
Ararako am-bakiraoka  
Ireo rehetra ireo sao dia mitsoaka

Avy eo vao rariako an-drandrana
Ireo rimarima sy  filirony
Asesiko ts’isy andrankandrana
Ireo rehetra kantony sy tsirony

Dia avy eo aho vao manketo
Mihaona aminao mpamaky
Te-hiteny hoe indreto
Ny soratro raha tehamaky ...

Hametraka hevitra

Midira aloha

Mombamomba

Mpanoratra : raozigasy

Nampiditra : raozigasy
Daty : 04/05/2006
Mpamangy : 970
Mankafy : 0

Tononkalo hafa

Orohy aho akia malala a
Tratry ny taona 2020 Ho
Gaigy be
01 Novambra 2019
Ry zalahy sy ny sasany
Natahotra
Peratra
Un jour mon fils tu vas m
Fan Zone
Ialahy