Ry.. (raozigasy)
Mbola tsisy niantsa
(Nalaina tao amin'ny vetso.serasera.org)
Ry sary manimba ny masoko sy manaitaitra ny andrasoko
Ry kanto soa mampitselatra
ilay foko te hanan'elatra
Ry meva mpanaitra fanahy
manainga ny anaty ho sahy
Ry tsara mamelona avelo
tiako ho tsiambaratelo
Ry endrika soa kanto loatra
mampiridana tempo hitroatra
Ry tahak'ilay tonga lafatra
lavitra tsy mety takatra
Ry mpanaitra ny tanako hanoratra
hiredy am-bava sy an-tsoratra
Ry mampiteny irery ny tsiahiko
tsiriritiko mafy fa tsy ahiko
Miareta mijanona ela
hataoko tsy tontan'ny ela
sikoriko anaty vinaniko
atambatro amin'ireo mamiko
--------
Rohy:
Sokajy :
Aingam-panahy
