SOA (raozigasy)
Mbola tsisy niantsa
(Nalaina tao amin'ny vetso.serasera.org)
SOA Soa ny orana milatsaka
k'hanafina hampiharo
ireo ranomaso latsaka
noho izato tsiaro
Soa ny andro maloka
hampitovy loko
ny endriko izay maloka
noho ny alahelom-poko
Soa ny andro maizina
ka sarotra avahana
ireo helo s'ireo aizina
anatiko mibahana
Soa fa mitabataba
ny any ivelany any
ka saron'ny kotaba
ny foko mitomany
Soa fa Tiako ianao
fa raha izany andro izany
no tsy nisy anao
Nilaozako ny tany
--------
Rohy:
Sokajy :
Aingam-panahy
Hevitra mandeha
Soarilala
(
09/05/2010 15:27)
Soa fa nisy olon-tianao ary olona tianao ka aza kivy
