TENY NO TONTOLOKO (raozigasy)
Mbola tsisy niantsa
(Nalaina tao amin'ny vetso.serasera.org)
Fa raha teny no tontolokoDia fitia no hampamololoko
K’ireo aingam-po mipololotra
No arangako avoitra
Fa raha teny no tontoloko
Dia zaraiko ireo daholoko
Ka an-tsoratra no aborako
Ireo siakasiaka izay fitorako
Fa raha teny no tontoloko
Dia atomboko eo ny toloko
Ka an-taratasy aho no miady
Amin’ny olana mianjady
Fa raha teny no tontoloko
Dia tononkalo no asoloko
Ireo hafatra izay tiako ambara
Mba holovain’ny tantara
--------
Rohy:
Sokajy :
Aingam-panahy
