TENY TONGA LAFATRA (raozigasy)
Mbola tsisy niantsa
(Nalaina tao amin'ny vetso.serasera.org)
TENY TONGA LAFATRA Ilay tenintsika fotsiny, dia efa tonga lafatra
Tsy mila larolarony, dia voampita ny hafatra
Ka inona indray , no ilàna teny hafa
Raha toa ny antsika, dia mahatsara tafa
Ilay tenintsika fotsiny, dia kanto sy raitra
Jereo ange ny vahiny, izay mandre fa taitra
Maheno ny filantony, ireo karantsam-peo
Ka vatra manontany, miteny inona ireo ?
Ilay tenintsika fotsiny , dia tanteraka sy feno
Mahalaza izay lazaina, sady tsara fihaino
Sady tsy masiaka, fa milamin-gadona
Tsy mba toy ny hafa, teny didi-jadona
Ilay tenintsika fotsiny, dia efa Teny miavaka,
Io no Tenindrazantsika, na mihira na mivavaka
Tsy itambarantsika amin ny hafa firenena
Satatsika io, toy ny sainam-pirenena
--------
Rohy:
Sokajy :
Tanindrazana
