Tetezamita (raozigasy)

Tetezamita, tetezamita
Kely sisa dia tapitra vita
Hiova tsy ho ela ny fitondrana
Ho tanteraka ihany ilay fidradrana

Tetezamita, tetezamita
Fotoana fohy sisa dia dynamita
Hipoaka ny PHAT sy resa-poza
Baroa sy ny tariny olon-doza

Tetezamita tetezamita
Bobaka indray izao ny ho any am-pita *
Fa matahotra izay ho filoha vaovao
Raha tsy hoe hamadika palitao

Tetezamita tetezamita
Hipitsika indray ireo fa tafita
Ny saosy voaangona an-tapitrisa
Dia any an-dafy** sisa mamisavisa

Tetezamita tetezamita
Dia inona indray avy eo nefa no hita
Sa inona ny bizna vaovao
Hanovana kely ilay hatramin’izao

Tetezamita, tetezamita
Izany no politika mba fahita
Rehefa mba mitaky ny fiovana
Ny mahantra rehetra feno tanàna

*ilay any am-pita amin’io “Comores”
Fa raha Frantsa aloha dia “mort”

**ilay any an-dafy amin’io Afrika
Sao misy mihevitra zamerika
--------