Tiako ianao fa …. (raozigasy)

Natsikinao indray, ilay masoandrom-poko,
Efa lasa nihilana
Nohazavainao indray, ilay tsatsotsatson-doko,
Efa tsy nangirana

Narehitrao indray, ilay fitia tanatiko,
Efa tsy nety lonaka
Najoalanao indray, ilay afo matimatiko,
Vain’afo tsy nidonaka

Novelominao indray ilay redam-pitiavana,
Efa vasobasoka
Notairinao indray, ilay hovi-mahamavana
Efa lavi-kasika

Nofohazinao indray, ilay zoton-dehilahy,
Efa resin-tory
Nomenao aina indray, ilay saika rangolahy
Hay tsy maty akory
--------