You are here: home > Vetso

Vavaka poeta - raozigasy

Azo vakiana?

Ho setrin'ny hafatr'i kiriah

Dia aoka isika hivavaka
Dia hakarintsika miavaka
Ilay hevi-tsara ravaka
Hanakatra ilay habaka

Vao izay isika poeta
Mandefa ainga an-teta
Mivezika etsy eroa
Mangarona ambiroa

Vao isika mandrefy
Ireo hery lefilefy
Sisasisan’embona
Laingo tsy nitrebona

Vao izay isika mitonana
An’ainga tsy hay takonana
Misosososo an-tsidina
Miakatraka-pidina

Vao izay isika miresaka
Ireo tafa te hitresaka
Angola nofongarina
Natosiky ny marina

Dia atao fintimpitim-bango
Ilay teny feno lango
Hoe revina poeta
Mpanala hetaheta