VOANKAZO AN-TSAHAN'OLONA (raozigasy)
Mbola tsisy niantsa
(Nalaina tao amin'ny vetso.serasera.org)
VOANKAZO AN-TSAHAN’OLONAVoankazo an-tsahan’olona
Voankazo voarara
Tiana hatao tsikoninkonina
Mahate-hikarakara
Voankazo tsara fefy
Voankazo tsara vala
Toa manosika manesy
Mahate-haka sy hangala
Voankazo misy tompony
Voankazo tsara ambina
Nefa aho manantena potiny
Sady manantena ambiny
Ekeko maro ny voankazo
Misy tsiro isan-karazany
Kanefa ianao mihazohazo
Io ihany no tianao hotazana
Ekeko misy ny azo asolo
Izay tsirony tadiavinao
F’io ny anao no ilay tontolo
Tena efa andrasanao
Ka mahareta miandrasa
Izay no hafatro ho anao
Niandry koa aho fa tsy lasa
Raha teo amin’ny toeranao
--------
Rohy:
Sokajy :
Aingam-panahy
Mpakafy:
mickellia 06
Hevitra mandeha
pissoa
(
09/03/2006 18:22)
Hmmm, mitady hangalatra an, hihihi.
Tsara e; sady mampiasa sarinteny kely indray eto an.
Tsara e; sady mampiasa sarinteny kely indray eto an.
raozigasy
(
09/03/2006 23:38)
hafatra fotsiny ity tononkalo ity ho an'ilay namana mpangala-boankazo any an-tsahan'olona e !
Soarilala
(
03/06/2010 15:24)
Sao dia ssa-miandry eo f'izany efa eny an-tsahan'olona izany ve mbola misy anjara antenaina ho azo ihany, sa ahoana!!!!
