MISOLO (RASOA)

Ny endriko mitsiky
No hanafenako ity foko maratra
@ ity fisarahana mikiky
Tsy nampoiziko hiatra
Efa nandramako ny saina
Mba hanaiky ny fanadinoana
Nefa herim-po very maina
Ilay fitia tsy haiko ho soloina
Izaho anefa no niala
Tsy nisy fandeferana
Mitabataba toy ny adala
Izao lasan ' olona ny toerana

Raha mbola hitia aho any aoriana
Dia tsy ho hadinoko ianao na rahoviana

RASOA
AOGOSITRA 2015
--------