MADIO IZAHAY! (RATSIMBA Georges)

Mbola tsisy niantsa

Hangataka antsa
(Nalaina tao amin'ny vetso.serasera.org)
Jereo ny volonay :
Voahogo tsara ery !
Sady izay indray
Nasiana bigody!

Jereo ny tananay:
Madio tsara koa;
Ny hoho kosa indray
Voahety avokoa!

Jereo ny tongotray:
Mandina aoka izany;
Ny faladia oadray!
Toa tsy nandia tany!

Ny reninay moa
Mpipasoka mahay:
Voapasony avokoa
Ny fitafianay!

Angaha ny tena ihany
No diovinay ‘zareo?
Madio tahaka izany
Ny bokinay. Jereo!

Boky sy kahie,
Sy kitapo koa,
Avia jereo ange:
Milamina avokoa!

Tsy zaza be lalao
Fa hendry sy mahay
Ka moa ho gaga ianao
Raha toa madio ‘zahay?

NY RAHONA RATSIMBA Georges (NRRG)
--------
Rohy:
Sokajy : Tontolo iainana
5786 1
Mpakafy: harry15
Hevitra mandeha
maeva74 ( 04/05/2010 21:40)
hay ve tena izy ity e! hihihihih tsara mahatsiaro ny fahiny
gasyjean ( 05/05/2010 12:17)
"Madio izahay" hehehe,tsianjerinay taloha izany lego!!! milay ka!
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.067