You are here: home > Vetso

NY FIKIRIZANA - RATSIMBA Georges

Azo vakiana?

1-Mba mafy asaina ny tanimbary
  Kanefa mikiry ny mpiasa tany.
  Ny tanany miepaka, maharary...
  Ikirizany anefa ka vita ihany!

2-Mba sarotra lahy 'ty enti-mody,
  Ny saina domelina, ny andro lany,
  Kanefa ny mpianatra te-ho tody,
  Rehefa mikiry dia hainy ihany.

3-Mahery ny rivotra an-tendrombohitra,
  Ny lalana sarotra aoka izany,
  Kanefa ny mpihanika mahatohitra
  Rehefa mikiry dia tody ihany!

4-Na inona vato misakan-dalana,
  Na inona entana mahavizana,
  Zakako, afako miandalana
  Rehefa tafiko ny Fikirizana!

Ny RAHONA RATSIMBA Georges
Ambohidrapeto, faha 29 Martsa 1954

Sokajy : Hambom-po

Hevitra mandeha

pissoa (09/10/2005 18:11:21)

ity no tononkalo nankafiziko indrindra tamin'ny primaire aho.Dia mbola ankafiziko koa izao satria tena mamporisika be ahy hiasa ... na ny manao tsianjery azy aza ... tadidiko ohatran'ny hoe mihira izay izahay

mankasitraka
pissoa

nouna432 (16/10/2005 13:02:47)

za koa mankasitra ka de Christine koa hono c'est une amie bravo

MioraArielle (16/10/2005 16:24:31)

misaotra anareo rehetra mankasitraka, tsy iza aho akory fa mitovy aminareo ihany, dadabe anay Ny RAHONA koa dia mamerina fisaorana sy fankatelemana @ fahatsiarovana tsy mety lany.

Hametraka hevitra

Midira aloha