Kapoakan'i Jesosy - Herizo ANDRIANITSIAHY RAVONJISON

Azo vakiana?

Ny kapoaka natao hosotroiny,
Dia dinan'ny tia tsy mihemotra
Mangidy mafaitra ny tsirony,
Nefa ritrany tsy nisy ady varotra.

Ny kapoaka natao ho fenoiny,
Dia fitiavana manefoefo.
Tsy mba vola ka ho tratra ny vidiny,
Ka ny ràny no nataony takalo.

Mafimafy kapoaka ny tany,
Fa Izy dia nanana koa.
Nangatahany esorina ihany,
Nefa lanin'ny tsy nisy avokoa.

Tanatin'io kapoakany io,
Tao ny ota mivaly oriory.
Fitiavana dia nosotroiny,
Eny na dia tsy azy akory!

Ny kapoaka navelany kosa,
Dia kapoaka mivolom-parasy.
Ao no hita ilay paradisa,
Efa nomaniny ho antsika atsy ho atsy.

Akasoy ny kapoaka zareo,
Ho sitraka sy telina aterina.
Asio tehaka mafy sy feo,
Fa ny Paska anio mitamberina.

Nosoratan'i Herizo RAVONJISON ANDRIANITSIAHY

Hametraka hevitra

Midira aloha

Mombamomba

Mpanoratra : Herizo ANDRIANITSIAHY RAVONJISON

Nampiditra : zonytsiahy
Daty : 18/04/2019
Mpamangy : 505
Mankafy : 3

Tononkalo hafa

Ity ny teniko
VOASARIKA
Misy reny tsy miteny
Diso tety
Hiran'ny tsy manantena
Hiran`ny fahatanorana
Havadika ny pejy
Ny voan'ny nofinofy
Paska minitra,
Rahafaliana