Paska minitra, - Herizo ANDRIANITSIAHY RAVONJISON

Azo vakiana?

Ny mikalo fahatsiarovana,
Ilay fitia izay nozarainy.
Ampy ho ahy ny manantena,
Fa tsy miova ny fitiavany.

Aminy ny fitiavana,
Tsy mba teny mamy fotsiny,
Fa ny aina no omena
Hanavotana ny havany.

Eny tsy mba vola nomena,
Hanavotana antsika.
Izay tiana hahazo fiadanana,
Dia ny ainy no nalatsaka.

Soa mahatsiaro hahay hidera,
Soa tomany hahatsapa tena.
Fa ny aintsika saika hazera,
Narovany, dia ny azy no nesorina.

Dia izaho isika afa-patotra,
Roa arivo taona aty aoriana.
Njao tsaroana ilay minitra,
Nisian'ilay tena fanavotana.

Meteza hanely fideràna,
Ary raha misy fahatsapana
Soraty velona eto ilay anarana.
Dia zarao izao tononkalo izao.

Nosoratan'i Herizo RAVONJISON ANDRIANITSIAHY

Hametraka hevitra

Midira aloha

Mombamomba

Mpanoratra : Herizo ANDRIANITSIAHY RAVONJISON

Nampiditra : zonytsiahy
Daty : 18/04/2019
Mpamangy : 262
Mankafy : 0

Tononkalo hafa

Kapoakan'i Jesosy
Rahafaliana
Hanomezo
Afeniko
Mamy aky ny tsikitsikin-dry
Vehivavy
Ny lalako
Totom-barim-bazimba
Ny tena mpanao tononkalo
Naka bahana