Rahafaliana - Herizo ANDRIANITSIAHY RAVONJISON

Azo vakiana?

Nahoana no mody sahady Rahafaliana?
-Tsy zaka ny todim-pitia, mety mamonjy akany.
Fa tsy tohitra angaha Rafahoriana?
-Sanatria, tsy vatrako fotsiny ny hahita azy hitomany!

Raha tsy mahadiso, aiza kay ny domoina?
-Indrisy fa niova ho bolokim-bazaha.
Ka inona no andrasana fa tsy ndao vonoina?
-Ny fahadalàna, hono tsy tokony entina mirehareha.

Ka hanaiky resy tsy miady ary ve isika?
-Tsy resy tsy akory fa mody mangina.
Izany ve tsy manome azy ny laka?
-Hitady ahy ihany izy rehefa any aoriana.

Rehefa voadona, sy mibaby kitra?
-Raisiko foana fa nody ny sainy.
Hanambitamby ny mbola maditra?
-Ka ho aiza ary izy rehefa maratra, tsy maintsy mody eto anilako ihany.

Rahafaliana, sao ho diso tetika marina?
-Ovay ny fijery, hakaro ny fanantenana.
Hikotrika atody izay tsy an'ny tena ?
-Fitiavana izany ka hataoko ahoana.

Nosoratan'i Herizo RAVONJISON ANDRIANITSIAHY

Hametraka hevitra

Midira aloha

Mombamomba

Mpanoratra : Herizo ANDRIANITSIAHY RAVONJISON

Nampiditra : zonytsiahy
Daty : 19/03/2019
Mpamangy : 377
Mankafy : 0

Tononkalo hafa

Paska minitra,
Kapoakan'i Jesosy
Hanomezo
Afeniko
Mamy aky ny tsikitsikin-dry
Vehivavy
Ny lalako
Totom-barim-bazimba
Ny tena mpanao tononkalo
Naka bahana