Nanonofy (Rdr_jr)

Nanonofy anao aho alina
Nanonofy mafy sady lalina
Nanonofy fiainana lafatra
No feno fitiavana fatratra
_*_
Nanonofy ireo angola sy teny mamy
Ary ireo tsikinao tany ho any
Nanonofy anao nihorakaraka
Niantsampy sy niantoraka teo antratrako
_*_
Nanonofy ireo hantahatanao
Sy ireo angolanteninao
Nanofy ilay feonao malefaka
Rehefa iny isika roa miresaka
_*_
Nanonofy ny masonao mibanjina ahy
Ireo masonao nahababo fo sy fanahy
Nanonofy ireo sangintsika roa
Sy fiarahana lafatra tokoa
_*_
Ireo 'lay nofy mistery
Nahafahako nitafa sy nijery
Ary nandinika ny endrikao
Tao anaty alina mangina tao
--------