Tiko izy kanefa... (Rdr_jr)

Tiako izy kanefa moa
Ianao no efa teo aloha
Koa nampandeferiko ny foko
Hitia azy an-tsokosoko

Tiako izy,indro kely anefa
Ity fitiavako diso fiantefa
Izy mantsy efa manatompo
Indrisy moa ry foko

Tiko izy,moa tia ahy koa
Tsy misy mahalala ny ao am-po
Kanefa ny anay efa tsy anjara
Ka nokaloiko hivalona tantara

Tiako izy,na tsy mety aza
Ny namboraka sy nilaza
Izay tena tanto am-poko kely adala
Saika avy atrany ny hiantso azy ho malala
--------