Aoka tsy ho jamba (RNofy)
Mbola tsisy niantsa
(Nalaina tao amin'ny vetso.serasera.org)
Aoka tsy ho jambaAleo mihitsy tsorina ary avy dia lazaina
Tsy asiana olankolaka ary koa tsy safaraina
Fa mamiko ity taniko, Tanindrazana malalako
Ka n'iza n'iza te handrava, tsoriko fa halako
Tsy hoe an'olon-toakana, tsy an'izay mahazo seza
Nahazo fahefana ka hiseho fa tena "Ngeza"!
Hanao taingim-bozona ny Tsimandadiharona,
Hameno ny ati-paosy, hanavesatra ny harona.
Manangana orinasa, trano be mijoalajoala,
Ahondrana avokoa ireo harena hatrany an'ala.
Mambotry firenena, mampahantra ny vahoaka;
Dia manambitamby amin'ny vary iray kapoaka.
--------
Rohy:
Sokajy :
Hambom-po
Mpakafy:
RNofy
