Izay ihany (RNofy)

Mbola tsisy niantsa

Hangataka antsa
(Nalaina tao amin'ny vetso.serasera.org)
Izay ihany

Raha hihomehy ianao tsy maninona
Kanefa aza ataonao tsinontsinona
Ny tsy fafehezako ny teny vazaha
Fa tsy mampitsanga-menatra ahy

Tsy hoe akory izaho no tena bado
Raha tsy mankafy ireny vazo
Miampy irony fomba sy lamaody
Izay mampitranga taola-maoja

Ny kolontsaina anie ananatsika
Fa naleonao ny avy any ampita
No nandrianina sy nolalaina
Ka dia voazanaka ny saina

Ny lovian'ny sahona tsy ihinanany
Ny valalan'ny amboa andosirany
Tsy sanatria akory mampitovy
Fa ny maha Malagasy no tandrovy
--------
Rohy:
Sokajy : Kolontsaina
1241 1
Mpakafy: RNofy
Hametraka hevitra
Midira aloha
Momba ny tononkalo
Mpanoratra : RNofy
Nampiditra : RNofy
Daty : 07/04/2014 08:48
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0149