SATRIA FENO (Ryana)
Mbola tsisy niantsa
(Nalaina tao amin'ny vetso.serasera.org)
SATRIA FENORehefa hitanao fa mendrika sy kanto
Ny tontolo izay jerena;
K’izay lalovanao mirindra sy milanto,
Ts’isy intsony mahasorena;
Rehefa ny hafaliana no tsapanao mivoaka,
Miboika avy ao anaty;
Raha toa fahatoniana no asetrinao ny traotran’
Ireo mandrahona sy miantsy;
Rehef’ianao mamindra fo ka tsy mitazona alahelo
Amin’ireo nisetrasetra;
Ka nalevinao ho lo, ho foana mbamin’ny avelon’
ireo ratsy vitany rehetra;
Rehefa ampy ho anao ny hoe tia ianao ka tiana
Tsy manontany hoe nahoana;
Ka faly, afa-po ianao satria tojo izay niriana,
Tsy ahoanao ny fotoana…
…Dia satria feno ny fiainanao,
Feno ny fahasambaranao,
Feno ny aminao rehetra,
Hafenoana ts’isy fetra!
Ryana
(01/10/08)
--------
Rohy:
Hevitra mandeha
mampikanto21
(
02/10/2008 13:51)
Miarahaba an'i Ryana,
Tena marina tokoa izany Ryana a!
Mankasitraka e!
Mampikanto
Tena marina tokoa izany Ryana a!
Mankasitraka e!
Mampikanto
Ryana
(
02/10/2008 15:39)
MAnao ahoana i Mampikanto,
Raha azoko izany, efa anisan'ireo miaina ny hafenoana ianao?
Tsarà ê!
Ryana
Raha azoko izany, efa anisan'ireo miaina ny hafenoana ianao?
Tsarà ê!
Ryana
tiff
(
14/03/2009 14:16)
marina zany ry Ryana.mahasambatra tokoa ny mzara