HASIANA ELATRA (Solofomanjato)

Mbola tsisy niantsa

Hangataka antsa
(Nalaina tao amin'ny vetso.serasera.org)
HASIANA ELATRA

Hasiana elatra ?...

Angaha ianao tsy tazako ?
Angaha ianao tsy anilako ?
Moa ianao tsy takatro ?
Moa ianao tsy silako ?

Ka nahoana ianao, no hovolena elatra ?.....

‘Ndeha hisidina avo indray
Hanadino ny eto an-tany !
Hoany an-toeran’ny fanahy
Any…misy maminy any… !!!

Fa nahoana ianao, no homena elatra ?
Sa te handao ny taniko ?
Sy ny mba nofy mamiko ?

Saingy indrisy, izany?
Mbola nofinofiko ihany…

F’efa àry ela ny elatrao
Tsy ilaina akory hamarinina
Notakariko hofihinina
Saingy efa lasana, nandao

Avelao aho ho amin’izao
Avelao aho ho eto ihany
Fa inoako, fantatrao
Raha toa aho ka mitomany !

Fa….

Tsy ampy hiadananao ny mamiko
Tsy ampy ivalamparanao ny sandriko
Nefa ireny mba niriako
Ho fifalianao olon-tiako !

Handeha ianao ? soava dia !
Ary koa tongava soa !
F’aleo ambinambina fitia
No mba anjara falim-po

Fa na misy na tsy misy
Ilay nofiko…hotiavinao
Tsy tomany aho…fa mitsiky
Sambatra aho fa « tia anao »
--------
Rohy:
1084 1
Mpakafy: benasy
Hevitra mandeha
Zozoro ( 24/03/2009 14:00)
Toa elatra hafahafa....!!!
benasy ( 25/03/2009 06:19)
Elatra tsy hita maso no aminy ka ! Elatra saro-pantarina...
Fa manana izy angamba!
Na ny marimarina kokoa... tokony ho izany !
Hametraka hevitra
Midira aloha
Momba ny tononkalo
Mpanoratra : Solofomanjato
Nampiditra : benasy
Daty : 09/03/2009 10:29
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0795