PIKINIKA (Teboka Telo)

Mbola tsisy niantsa

Hangataka antsa
(Nalaina tao amin'ny vetso.serasera.org)
Raha vao maraina, vao mangiran-dratsy
Dia mikonokonona hanomana vatsy ;
Misomebiseby, mamboatra ny bika, ...
Fa nifamontoana hanao "pikinika"

Mofo dipaina, karaoty, lasary, ...
Hena nendasina no ambonim-bary;
Ranom-boankazo natao mangatsiaka
No rano fisotro f'hanao "pikinika".

Indreny mizotra, hamonjy ny namana ;
Mibaby entan-kely, mivimbina an-tanana, ...
Dia mihirahira sy mihiakiaka
Fa fo ravoravo no hanao "pikinika"

Rehefa nigadona, tonga eny an-toerana
Dia avelabelatra 'lay tsihy herana;
Avy dia atomboka ny kilalao
Fa ny "pikinika", io, iaraha-manao.

Ao ny mandihy, mifandray tanana ;
Ka miara-midola, havia sy havanana, ...
Ny hafa indray : fakan-tsary no apika
Ho fahatsiarovana ilay "pikinika"

Ireto mpitovo, mpanao fitamandry,
Mitilitily 'zay ho andefimandry, ...
Manara-maso, mamorona "fika"
Mba hanararaotra ity "pikinika"

'Reo zatra mpisotro sy mpameno vera,
Eny an-dalana hody : tazano! mianjera, ...
Nihevitra mantsy fa tsisy hahita
Ka nigoka 'zay lany amin'ny "pikinika".

Tandremo! Tandremo! Aoka e, ry lahy :
Ny mety ho faty dia ny olona sahy;
Ny mahay milomano no lasan'ny riaka,
Ny fahaiza-mifaly e! No "pikinika"

"Zavatra hita : sakafon'ny saina,
Sakafo atelina, manome aina",...
Ka aoka mba samy handinika isika
Mba tsy ho laza ratsin'ilay "pikinika".
--------
Rohy:
Sokajy : Fiaraha-monina
1133 2
Hevitra mandeha
Nofy2 ( 05/08/2014 11:07)
marn zan!toizo f tsar b dol n tononkalonao!
KALONANTITRA ( 10/03/2015 07:48)
Isaorana ny fankasitrahana
Masoandro Mainty ( 17/02/2017 10:47)
Tsara e!Ndao isiska mba hanao "pikinika" e!
Hametraka hevitra
Midira aloha
Momba ny tononkalo
Mpanoratra : Teboka Telo
Nampiditra : kalonantitra
Daty : 04/08/2014 06:43
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0312