EBOLAHY (Tefy.)

EBOLAHY

Ebolahy ianao, Rafanja,
Hay tsy misy hapoaka akory !
Vao ry Bila no mitranga
Dia efa tsy mahita tory.

Nefa omaly ianao nilaza
Ho tsy matahotra vazaha.
Niebo sy nivazavaza
F’efa vonona sy sahy.

Izao anefa i Bila Kely
Sy ny Gasy namany any
No mandavo ny mahery,
Zary henatra eran-tany !

Raha izaho ianao mangina,
Tsy miebo tahak’izao.
Andriamanitra itokiana
Fa tsy izato basinao.

Tefy.
24/06/12
--------