FETIMPIRENEKO (Tefy.)

Mbola tsisy niantsa

Hangataka antsa
(Nalaina tao amin'ny vetso.serasera.org)
FETIMPIRENEKO

Ny Fetimpireneko :
Tsy fetim-pirenena.
Ny fety aloha ekeko
Fa tsy an’ny firenena.

Satria ny ankamaroany
Mizioga fahantrana.
Ny olon-dasa ambony
No manana hiantsenana.

Fa ny daholobe
Sahirankiran-dava,
“Kirizy” sy kere,
Dahalo no mandrava.

Iretsy be galona
Ambony lampihazo :
Tenenin-tsy manoina,
Antsoina fa tsy azo.

Fa ny tahaka anay :
Mitoraka “salut”,
Manaiky ny antsonjay,
Tomany anaty dihy.

Soa fa eo ny Tompo
Hifety miaraka amiko
Ka hionona ny foko
Na ory izato Taniko.

Ny Fetimpireneko ?
Fety mahonena,
Maneho ny halemeko :
Latsaina sy hosena.

Tefy.
25/06/12.
--------
Rohy:
999 0
Hametraka hevitra
Midira aloha
Momba ny tononkalo
Mpanoratra : Tefy.
Nampiditra : TENIMAMIKO
Daty : 26/06/2012 15:53
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.012