GAGA - Tefy.

GAGA

Gaga izao tontolo izao hoe : nahoana i Gasikara
No mahantra toy izao : mba mandroso saingy tara ?
Nefa harena sesehena no dradraina sy ambara.

Gaga koa angamba isika hoe : nahoana ny Eglizy
No anjakan’ny pôlitika sy fiainana tsy izy ?
Nefa isan’andro vaky : toriteny, katesizy.

Gaga isika mpakafy : nahoana moa ny Teny Gasy
No anjakan’ny bibidia sy lotoin’ny teny ratsy ?
Nefa teny tena kanto no mameno taratasy.

Aza gaga intsony ianao !
I Gasikara tsy mahantra,
Ny Eglizy mbola ilaina,
Teny Gasy ? Tena tsara.

Saingy ny olom-baovao
No vitsy loatra ka tsy tratra
Ny mizara Mofon’aina
Mba hanova ny tantara.

                               Tefy.
                               14/04/12.

Hametraka hevitra

Midira aloha

Mombamomba

Mpanoratra : Tefy.

Nampiditra : TENIMAMIKO
Daty : 26/06/2012
Mpamangy : 743
Mankafy : 0

Tononkalo hafa

RESIN-TSINOA
HAVAKO O !
SATANISTA
EBOLAHY
FETIMPIRENEKO