iny orana iny (tiff)

iny orana nilatsaka iny
no nampatsiahy ny fahiny
nahatsiarovana ny lasa
nitamberina izay kinasa

andro avy orana hoatr zao
tafaradia izaho sy ianao
tamzay fotoana izay
ny tanatsika nifandray

tadidinao ve izany
izao aho vao manontany
tsapako fa nahafinaritra
saingy indrisy tsy naharitra

tsy hadino tokoa ireny
tsarovana ombieny ombieny
isaky ny mahita anao
sy ny avy orana hoatrizao

diso ve aho ra manontany
izay mba any am ponao any
ny hany mba tadidinao
tamin ny orana hoatr zao

tantara ireny ka tantara
fitiavana tsy ho anjara
lalan kafa no niviliny
koa aza omena tsiny

mifampitazana eto sisa
mitsiky rehefa mifankahita
izay ihany no azao atao
sao manao ny tsy fanao

izay angamba no azo ambara
ho hita eo izay any afara
lasalasa ny vinany
mieritreritr anzany

22/09/04
--------