HAFA IHANY I DADA SY I NENY - Tsanta MIKANTO

Azo vakiana?

HAFA IHANY I DADA SY I NENY
Maro ny namana manampy eny ho eny,
Miara-milalao ary miara-manjeny,
Maro ny fitia izay omen’ireny,
Saingy hafa ihany i « Dada sy i Neny » !

Nandady,nihafy,ary koa tsy natory,
Ireo hatsembohany,tsy fantatro akory,
Fa hay izy ireo ka nihafy aok’izany
Mba hahaolom-banona ahy eto an-tany !

Ireny kapoka kely nahatezitra ahy taminy,
Hay ka fitiavan-dehibe tsisy tambiny
Ireny teny nataony,izay nodiako tsy hita,
Hay ka fitiavany ahy ho tafita !

Dada sy i Neny ô,misaotra indrindra
‘Za no toy izao dia ianareo no namindra
Nareninareo aho raha sendra nivena
Ka ny hany azoko atao dia ny « VALIM-BABENA »

Tsanta MIkANTO 30 Mars 2015

Mombamomba

Mpanoratra : Tsanta MIKANTO

Nampiditra : tsanta mikanto
Daty : 04/07/2015
Mpamangy : 1641
Mankafy : 2

Tononkalo hafa

HITOHY MANDRAKIZAY
HAFATRA HO ANAO
IZAHO 'KOA MBA TE...
NOSIMBAINAO
MANAIKY AHO FA RESY
TSY IANAO IRERY
NY TAKARIVAKO
SAIKY NENINA
FITIA IMORONA
KALOM-BORONKELY