HALAN-JOKY (TSIFERANA)

Zoky a! eto ampiandohana dia misaotra anao indrindra,
Fa betsaka ny soa nomenao tamin'ny fiainako.
Ny talakinao nisesy no nahaizako namindra,
Noezahinao nahitsy raha tsy nety ny fisainako.
*
Ankehtriny Kosa.....
Fa nahoana re razoky ireo tambinao omaly?
No nanjary hadinonao ka nosetrainao fialonana.
Lasa hetahetanao izaho rendriky ny jaly,
Ka zary lasa tsy hitanao sy tsy dinganinao tokonana.
*
Lasa faly ianao manimba ny lalana ombàko,
Asa na oviana, sa efa hatramin'ny ela?
Noravànao an-kerimpo ireo tetezana hiampitako,
Na dia singan'handry iray aza tsy foinao mba ho tavela.
*
Lavitra ahy i neny izay mba azoko ihantana,
Sy hamafa ranomaso ka moa ve hitomany?
Rehefa iny aho ditsoky ny setro-pahantrana,
Dia ny hehinao maneso no re manako ambadika any.
*
Koa ...efa resy aho ka aza onena!!
Misambara ry tsy foiko,
Fa efa fenonao TANGENA
Ilay kapoaka ho sotroiko.


#TSIFERANA (13 janoary 2017)
--------