Mama - Tsiky dia ampy
Ny neny tena tiako indrindra
...
Raha nandinika ny lasa
Zay mba efa niainako aho
Dia nahatsapa sy nahita
Fa ny zavatra izay vita
Izahay no tafita
Dia ianao no nahafoy
Zay rehetra tratry ny aina
Ianao no nanome
Ny fitaovana nilaina
Ary raha mba nitaraina
Izato menaky ny aina
Dia ny hany anjaranao
No nafoinao hozaraina
Raha sendra narary aho
Ny masonao no nitraho
Tsy nahita izay horaisina
Raha izaho no oriory
Ianao no tonga nankahery
Nahavita niari-tory
Sy niady mafy irery
Raha lavo ireny aho
Ianao no nampitraka
Sy niaraka nizaka
Ny vokatry ny hadalàko
Tsy nampaninona anao
Ny niezaka nitolona
Niaritra ny henatr'olona
Ho an'ilay sombinaina
Tsaroako etoana ihany koa
Ny adidy maro tsy hay takonana
Nentinao nanasoa
Sy nanampy ny ankohonana.
Tsy voavaliko ry neny
Raha ireny vita ireny
Fa ny azoko atao
Dia ny mivavaka ho anao
Sy miezaka ho hendry
Amy lalana voatendry
Sy voatokana ho ahy
Reniko ianao ka tiako
Rehareha sy fifaliako.
Hevitra mandeha
dadasy (08/06/2006 20:25:32)
pissoa (09/07/2006 16:50:18)
Any izay i Neny ...
(Hihihi, dadasy be konetaka ...)
ikalamako (02/06/2012 08:48:26)
Hafa ihany i neny....
pissoa kosa eeee...aza ataonjy an'zany izy fa izy aza mba malelo kouh ;)
Hametraka hevitra
Midira alohaMombamomba
Mpanoratra : Tsiky dia ampy
Nampiditra : hery
Daty : 28/05/2004
Mpamangy : 3343
Mankafy : 0
Tononkalo hafa
Ilay firenekoMasoandron'ny aiko
Madimozely antitra
Fetinao fa tsy holazaiko
Manorata tononkalo
Iza le sipa
Omeko anao ny "lanitra"
Tsikinao omena
Angamba... Fa...
Lasana aiza?