Mitrakà ry fireneko (Tsiky dia ampy)
(Nalaina tao amin'ny vetso.serasera.org)
Mitrakà ry firenekoFa ny olona natsangana
Hampiakatra anao
Toa nivadi-belirano.
Raha izaho dia naleoko
Tsy nametraka an'ireo
Tamy toerana ambony,
Indrisy, nahitana angano.
Hay ka lainga be no reko
Tamin'izy ireo nilaza
Fa tsy ho ela dia ho avy
Ny fandrosoana nandrandraina.
Satria nony nojereko
Dia nihananana izy
Fa isika nihamaty.
Raha izany, tsy ilaina.
Raha fahiny dia nekeko
Ny fandovàna fahefana
Sy ny famenoana paosy.
Fahiny izany, efa lasa.
F'izao kosa tsy hotoneko
Izato foko raha hikomy
Sy hanohitra azy ireo.
Aoka hiala izay tsy miasa.
Mitrakà ry fireneko.
Eny ho'aho, mitrakà.
Aza miandry azy ireo
Izay variana miady seza.
Etsy ianao fa hovonjeko,
Miaraka am'ireo mahantra,
Vonona hitaky zo...
Nogiazan'ireo Ngeza.
15/01/94 Tanà
--------
Rohy:
Sokajy :
Hambom-po - Tanindrazana
Hevitra mandeha
hery
(
01/10/2003 09:55)
Nitranga tao amin'ny Gazety Tribune ity tononkalo ity tamin'ny 31 janvier 1994
chrislyd2
(
26/06/2009 09:09)
Ento amin'ny tsiky, tsiky ihany ny fiainana an-tany
Na be ny tsy tanty, sy mila hahafaty, asio tsiky dia ampy !!!
Na be ny tsy tanty, sy mila hahafaty, asio tsiky dia ampy !!!
endrika01
(
18/07/2009 15:44)
Tsara be lay vetso,sady miavaka tsara > zah kounkou mba maniry hahay hanoratra tsara be hoatranao :D
tsiambaratelo
(
19/07/2009 09:27)
Raha izaho dia naleoko
tsy nametraka anireo
tamy toerana ambony,
indrisy,nahitana angano
Tsy atao hanenenana,fa hanitsina ny hoavy!
tsy nametraka anireo
tamy toerana ambony,
indrisy,nahitana angano
Tsy atao hanenenana,fa hanitsina ny hoavy!
dadatsima
(
22/02/2012 22:49)
INDRISY TOKOA
