Hitia anao (vals cristian)

Mbola tsisy niantsa

Hangataka antsa
(Nalaina tao amin'ny vetso.serasera.org)
Hitia anao aho
Eny, tsy hitsahatra ny hitia
Na dia tsy mba jinerinao
Ilay fitiavako satria
Tsy hananako mantsy ny hatsarana e
Indrindra fa ny bika sy ny endrika
Mbola trotrahin'ilay fahantrana
Ka ataoko angamba aho fa tsy mendrika
Ny mba ho tiavinao akory
Na hoe hiara-dalana aminao
Saingy, tsy mahalala izay sorisory
Satria aho toa babonao
Toa manantena ny tsy misy
Sy fahagagana tsy ho tanteraka
Satria na ianao aza indrisy
Toa efa handeha hikopak'elatra
Eny e, na izany aza no efa itako
Tsy ampy ahasakana ahy tsy hitia
Fa hiezaka aho, anao izay vitako
Tsy ho kivy aho fa mbola hitia
Raha mbola mitempo ihany koa ny foko
Na ho mangidy zany na ho mamy
Na ho ranomaso sy ho toloko
No mety hiainako eto an-tany
Dia hitia aho, hitia anao

Vals Natiora 06_ 06_ 2017
--------
Rohy:
Sokajy : Fitiavana
3232 3
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0146