Kisendrasendra (vals cristian)

Kisendrasendra mamy
Tanaty alina mangidy
Ilay foko ory, nitomany
Tsy nahazaka ilay safidy
No indro tazanao niserana
Ka Topi-maso iray nafonja
Ary narahinao fitserana
Nanampy ahy hiampita ity onja
Kisendrasendra mamy loatra
Ny nifanojoan' ny lalantsika
Tsy nahafehy ny fontsika tsy hitraotra
Hifanohan-tsy ho lavo, mba ho tafita
Toa zary maraina lalandava
Ilay haizim-pitom-pahoriana
Fa hamirapiratra mazava
No fiainan-ko avy ny faniriana
Angamba, mbola kisendrasendra
Ilay fiainatsika tsy nialaozan' olana
Asa lahy, izay ve no sedra
Mba hahamafy ilay fifatorana ?
Kisendrasendra mafy, tena mangidy
Ilay fisarahana teto andoany
Satria ilay olon-tiana, nofinidy
No lasana, nandao ity tany
Nandao anay tsy ankiteny
Tsy mba nialanay nenina akory
Nilaza sahady ilay akany kely
Dia tsy afaka ny hijoro intsony....
Eny e, kisendrasendram-piainana hono izany
Ka Tsy mba azo sainina na vinaniana mialoha
Mety hitondra fifaliana na handrotsaka tomany
Indraindray toa fahoriana, nefa koa mety ho soa
--------