Nilaozan' olon-tiana (vals cristian)

Mbola tsisy niantsa

Hangataka antsa
(Nalaina tao amin'ny vetso.serasera.org)
Toa zary irery sy malaina
Rehefa ilaozan'olon-tiana
Toy ny vonin-kazo an-tany maina
Mitomany tsy misy mampangina
Fahoriana tsy hay lazaina
Mangidy mafy sy mafaitra
Nefa tsy mba afaka hitaraina
Fa mitoetra ilay takaitra
Tena mafy raha samy mafy e
Mavesatra noho ny fahoriana
Nefa dia voatery miafy
Rehefa ilaozan'oln-tiana
Ny zavatra tena tsy ho zaka
Dia ny mandre fa sambatra izy
Miala nenina ianao fa latsa-paka
Saingy, ny fony hono efa mihidy
Ataoko angambafa fantatrao
Fa tsy manadino ny olona tena tia
Fa mitoetra ao an-tsainy ao
Ary miverina foana ho doria
lreo fifaliana niainanao
Ireo sangisangy etsetra etsetra
Ka rehefa lasa izy nandao
Dia lasa fahoriana tsy manam-petra
Tena sarotra kosehina
Ireo fahasambarana sy fiafiana
Ary koa sarotra hafenina
Ny ilaozan'olon-tiana
Fa hita misoritra amin'ny endrika
Ilay fo sy saina tena ory
Voadona mafy ka efa ho rendrika
Toa tsy ilaozan-tsorisory
Rehefa ilaozan'olon-tiana
.....05-12-16.....
Vals Natiora
--------
Rohy:
Sokajy : Alahelo - Fitiavana - Fitiavana
4859 3
Mpakafy: ririh03 - valiis - miartiana
Hametraka hevitra
Midira aloha
Momba ny tononkalo
Mpanoratra : vals cristian
Nampiditra : miartiana
Daty : 05/12/2016 09:25
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0152