Tsiaro anao (Pharaon)
Mbola tsisy niantsa
(Nalaina tao amin'ny vetso.serasera.org)
Mahatsiaro anao aho ka mivetsoireo tantara efa vita
fa fararina sy misento
satria ianao nandao tsy hita
Mahatsiaro anao aho ka mitamberina
ireo toky sy dina nifanaovana
nilaozanao aho ka latsa-nenina
tamin'ireo ditra nifandaozana
Mahatsiaro anao aho ka manina irery
mitoloko feno ratra ao anaty
fa osa sy malemy tsy ampy hery
noho ilay dona izay tsy tanty
Mahatsiaro anao aho ka miantso
ny hiverenanao eto anilako indray
mba hanavao sy hanakanto
ilay fitiavantsika hatrizay
--------
Rohy: