FINOANA (VOARABE)
Mbola tsisy niantsa
(Nalaina tao amin'ny vetso.serasera.org)
FINOANAMamindrà fo amiko, mamelà ny hadisoako
Ry Andriamanitra mahery
Matimaty, ratsy rehitra, mangatsiaka ny finoako
Ka matahotra aho sao very
Omeo ny solikao mateza, sao ny ahy dia tsy haharitra
Mandra-pihavin’ny mpampakatra
Miaraka amin’ireo anjely, sy ny tafiky ny lanitra
Amin’ny ora iray tsy fantatra
Aniraho ilay Fanahy, hankahery sy hanazava
Hampitraka raha tahiny
Ka tandindomin’hakiviana, ny finoana mety ho rava
Nohon’ny ady ankehitriny
Ny mpamonjy zanakao, mpisolovoina sady zoky
Maty nohon’ny fahotako
No horaisiko ho mpiaro, mpampahery sady toky
N’aiza n’aiza tany ombako
Ka aza avelanao ho kivy, ampaherezo aho ry Ray
Hahatoky sy haharitra
Mba ho anisan’ny voafidy ka ho mendrika handray
Ilay Satroboninahitra
Voarabe
--------
Rohy:
Sokajy :
Vavaka
Mpakafy:
Voarabe