"VAOVAO RATSY" (Zavona Rakoto (AQUARIUS))

Tonga teto omaly dadatonareo,
Tsy fantatro mazava izay natao teo fa....

Taratasy hono io napetrany io,

(hoan'i Faaralahy):

Herinandro izay no niantso aho saingy indrisy
Ny tahiry tato nanify Dia nanify,
Tsy nahavidy fahana niantsoko anao.

Izao no vaovao:
Kely hoe ny vatsy ka tsisy niolanana,
Aty aza Aho no saika Haka saran-dalana.
Ny reninao no hany nampitondra Kely,
Ba kiraro roa sy ranona tantely.
Mahaiza hoe mitsitsy

Ny zandrikelinao no manontany foana
Nakaiza hono i Zoky?ovina hoe no mihaona!
Fa ny tena hafatra asiako tsindrin-teny,
Modia aloha ianao fa Maty omaly i neny.

Zavona Rakoto
--------