TSIKY DIA AMPY (Zay LAFATRA)
(Nalaina tao amin'ny vetso.serasera.org)
"TSIKY DIA AMPY"Raha toa ianao ka ory,
na sorena lalandava,
aza hadino fa tolory,
ilay tsiky indraim-bava.
Tolory tsiky foana,
fa aza mety mimalo,
fa mbola hoavy ilay fotoana,
handresenao ny fahavalo.
Aza mitana lolom-po,
fa omeo azy ny tsikinao,
omeo azy avokoa,
hatramin'ny endrikao.
ka raha tomany ianao ry namako,
dia eto izaho hanolotra ny tsikiko!
mba ho fao-dranon'alahelonao asosoky ny tavako,
dia raiso am-pitsikiana fa ho anao ry ilay notiaviko.
29/02/17
--------
Rohy:
Sokajy :
Fitiavana
