You are here: home > Vetso

Avy taiza? - Herizo ANDRIANITSIAHY RAVONJISON

Avy taiza?
.
Avy niakan-drefana aho,
Saika hividy voninkazo!
Mba hasoloko ilay ao,
Indrisy anefa fa tsy nahazo!
.
Dia nitohy aho niantsinanana,
Hitady hanina hafa any,
Fa nankaleo ahy ny vary amin'anana,
Nefa aretin-tenda no azo tany!
.
Nianantsimo no nanohizako ny lalana,
Saika hoe hanorina fonenana any.
Nefa nalady tsy tamana,
Noho ny ady an-trano tany.
.
Ka lasa indray aho nianavaratra,
Hanarato patsa hakana rony.
Hanalana ny harerahana,
Saingy tsy patsa kay ny tany fa amalona!
.
Izany lesy zandry no diako,
Nefa tsy nahazoako aina mihitsy!
Ny mamy no nozahana tany,
Kanjo ny mangidy no enti-mody.
.
Saika mba hijery tany tsaratsara,
Fa efa leo an'i Gasikara.
Be ny tany, be ny tany,
Fa hafa ihany Gasikara lesy.
Be ny mamy, be ny mamy,
Fa mamy lavitra noho ireny kay ny Gasy sy ny vita Gasy!
.
Nosoratan’i Herizo RAVONJISON ANDRIANITSIAHY

Hametraka hevitra

Midira aloha