Injany toa miako (Herizo Ravonjison Andrianitsiahy)

Injany toa miako!

Injany toa miako,
Toa reko tsy miato!
Injany manakoako,
Ilay feo nikika tato anatiko!

Fa mitady olon-tiana!
Hanafoana fahoriana!
Hanala izato fangirifiriana!
Ka mba hitondra hafaliana!

Injany fa misy lina,
Lina mba hiaino ity faniriana!
Ka antenaiko mba hitondra hamamiana;
Amin'ity fiainako feno fijaliana.

Injao tokoa fa mamaly,
Tsy manao hoe tsy hakamaly!
Fa ahakony mba ahafaly!
Ilay fitia hanala jaly.

Indrisy anefa fa manorisory,
Indrisy fa tsy tonga akory!
Resin'ny rivotra ilay ako saika hanala sorisory!
Ka tsy reko ilay fitia mamorivory!

Dia naveriko ilay feoko!
--------