TSIKY (Aina Nirina)
Pas encore lu
(Nalaina tao amin'ny vetso.serasera.org)
TSIKYTiako ianao ry Tsiky handravaka ny tavako,
Hankahery ahy hizotra amin’ny lalako,
Na ngidy na angola ny rotsin’ny fitiavako,
Dia mbola ianao ry Tsiky no tiako ho eo am-bavako…
Fa raha tsy ianao ry Tsiky no hitohoka amin’ny molotro,
Dia ho longolongo no sisa mba hatolotro,
Ka aza ilaozanao fa ‘ndrao mivonto fo :
Andao mihitsy akia hifangia isika roa…
‘Ndao hifanindran-dalana tsy hisaraka intsony,
Ka raha tojo olana : ianao no hampitony,
Tsiky o avia mba honina eto imolotro,
Hanohana, hankahery, hameno ny tontoloko…
AINA NIRINA
(7 janoary 2015 tamin’ny 18 :23)
--------
Lien:
Catégorie :
Eritreritra mandalo - fiainana
Fans:
haraldtohaina
Commentaires
hjravs
(
11/04/2015 06:16)
"ny fitsikiana hono no manambara ny fahadiovan'ny fo", ka hoy aho hoe:
na misy likiliky, mihindrama tsikitsiky, fa mahafinaritra ny mahita anao mihomehy, endrey, tsara tarehy! mahafinaritra ilay tononkalo e!
na misy likiliky, mihindrama tsikitsiky, fa mahafinaritra ny mahita anao mihomehy, endrey, tsara tarehy! mahafinaritra ilay tononkalo e!
