Aza resy... (AMN (Arialy))
Pas encore lu
(Nalaina tao amin'ny vetso.serasera.org)
Aza asiana jery akory irony mason'ny tsy tia tsy mila sento na dia kely, fa ataovy sanatria
ny alahelo, ranomaso, alaviro ka fongory
sao izay hadalany any no tsy ahitanao tory
Aza saininao mihitsy, avelao any ny azy
fa raha izy no hoe diso dia ho azy koa ny sazy
fa ny fiainanao mitohy sy tsy hisy disadisa
aleo izy no aoriana, ho voalatsa, hamisavisa
Rehefa izay no hany tiany, avelao izy handeha
fa ny fahendrenao no tazomy ho rehareha
sanatria handavo-tena ka hoe ratsy no hatao
ndeha zory ny haleha, mitady lalana vaovao
Aza mba miantso tody, fa iny aleo hivalona any
fa hoe izy nampijaly ary koa nampitomany
Fa lavo ahay hitraka, raha voafingan'ny fitia
Aza resy, matokia, mbola ho avy ny ho doria
AMN (Arialy)
--------
Lien:
Catégorie :
fananarana - Fitiavana