IFONAKO! (ANDRINIAINA1)
Pas encore lu
(Nalaina tao amin'ny vetso.serasera.org)
IFONAKO!Ifonako tokoa:
ireo zavatra rehetra!
Tsy nitondra soa
fa nandalo tsy nitoetra.
Ifonako ireo ditra:
Nampangaihay sy nampipitrapitra!
Hialako ny hadalana
fa hosoloiko toetra tsara.
Ifonako ireo andro lasa:
Nitondra alahelo sy nandratra.
Hosoloiko andro vaovao:
Hampitsikitsiky anao.
Ifonako zay tsy nety:
ka nitondra alahelo ho anao.
Ary Hiezaka aho tsy hihoam-pefy:
ho tonga olom-baovao.
Ifonako ireo zay tsy vitako:
Noho ny hadalana sy ny ditrako
Ka hiezaka aho tsy ho kivy;
hanatanteraka ny adidy.
Mamelà ny fahadisoako:
fa tena diso re ny tenako!
fa hiezahako mba hanoloako:
ireo andro lasa nanenenako!
ANDRINIAINA1
--------
Lien:
Catégorie :
Aingam-panahy - Fitiavana
