NY HANITRY NY LASAM-PITIA (ANJARIVO Ronsard)

Mbola tsisy niantsa

Hangataka antsa
(Nalaina tao amin'ny vetso.serasera.org)
Manarak’eny foana akia
Ny emboka navelan’ny afon’ny fitia
Niarahako tamin’dry
Manalok’eny foana akia
Reo bitsika niritsoka tan-tsofi-nampangia
Nihira ny ho doria

Tsy mbola hay fafana akia
Ilay soratra niarahana nanoritsori-bina
Nasesi-paniriana
Tsy mbola hay vahana akia
Ireo tady tsara fatotry ny lasam-pifaliana
Sy ny andro nihoriana

Mamerovero foana akia
Ny hanitry ny lasa dofahan-tsento lalina
F’indrindra rehefa alina
Mivadibadi-pandry akia
Tsy mahita tory, midiry tsy anki-janona
Ny mason’ny olo manina

ANJARIVO Ronsard
03 Aogositra 2006
--------
Rohy:
1720 1
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0104